MTA မွန်တိုင်းအာမီ တပ်ဖွဲ့ဝင်ဟောင်းများနဲ့ ဆွေးနွေးပွဲ

ဂျွန်ချစ်ငြိမ်း(တောင်ကြီး) ~


2MTA မွန်တိုင်းအာမီ တပ်ဖွဲ့ဝင်ဟောင်းများ ဥက္ကဋ္ဌ နှင့် ရှမ်းပြည်လူမျိုးပေါင်းစုံလွတ်မြောက်ရေးအဖွဲ့၊ ရှမ်းပြည်မျိုးဆက် အင်အားစုအဖွဲ့တို့
ဇန်န၀ါရီ ၂၂ ရက်နေ့၊နေ့လည် ၁၂း၀၀ နာရီ မိနစ်အချိန်ခန့်တွင်
တောင်ကြီးမြို့၊ရတနာသီရီ ရပ်ရှိ၊ ရလလဖ အဖွဲ့၏  တောင်ကြီးဆက်ဆံရေးရုံးတွင်တွေ့ဆုံခဲ့သည်။


         MTA မွန်တိုင်းအာမီ တပ်ဖွဲ့ဝင်ဟောင်းများ ဥက္ကဋ္ဌ ဦးစိုင်းခွန်မိန်းက ဆွေးနွေးပြောကြားရာတွင် 

- လက်ရှိဖြစ်ပေါ်နေသည့် မြန်မာနိုင်ငံ၏ တိုင်းပြည်အခြေအနေ၊ နိုင်ငံရေး အခြေအနေ၊ တိုင်းရင်းသားအားလုံးညီညွတ်ဖို့ လိုအပ်ကြောင်း၊
- ထီးကဲ့သို့ အရိပ်အာဝါသပေးနိုင်သည့် တိုင်းရင်းသားခေါင်းဆောင်တွေ ပေါ်ပေါက်လာဖို့ လိုအပ်ကြောင်း၊
- အနာဂတ် ဖက်ဒရယ် ပြည်ထောင်စုအရေး နှင့် ပတ်သတ်ပြီး  ဖက်ဒရယ်ကို သွားမည်ဆိုလျှင် တိုင်းရင်းသားခေါင်းဆောင်တွေ ညီညွတ်ပြီး ပါဝင်နိုင်မှသာလျင် အောင်မြင်နိုင်မည်ဖြစ်ကြောင်း၊
- ကချင်ပြည်နယ်တွင်ဖြစ်ပွားနေသည့် ကေအိုင်အို၊ ကေအိုင်အေ နှင့် မြန်မာ အစိုးရတပ်တို့ကြားတွင်လည်း  နှစ်ဦး နှစ်ဘက် စလုံးမှ နိုင်ငံရေးဆွေးနွေးမှသာလျှင် ငြိမ်းချမ်းရေးအတွက်အဖြေထွက်ပေါ်လာနိုင်ကြောင်း

  ဆွေးနွေး သုံးသပ်ပြောဆိုခဲ့သည်။


           

ရှမ်းပြည်လူမျိုးပေါင်းစုံလွတ်မြောက်ရေးအဖွဲ့ (ရလလဖ) မှ ဒုဥက္ကဋ္ဌ ဦးစိုးအောင်လွင်က ဆွေးနွေးရာတွင်

- ၂၀၀၈  ဖွဲ့စည်းပုံ အခြေခံ ဥပဒေကို ပြုပြင်ပြောင်းလည်းရန်အတွက် လူငယ်များ၊တိုင်းရင်းသားများ အားလုံးအဖြေရှာသင့်ကြောင်း၊
- ငြိမ်းချမ်းရေး နှင့် ပတ်သတ်ပြီး ဒေသတွင်းမှာရှိသည့် တိုင်းရင်းသားများ၊ လူမျိုးစုများ၊ စုစုစည်းစည်း ညီညီညွတ်ညွတ်နှင့် တည်ထောင်ပြီး ငြိမ်းချမ်းရေး အတွက်ဖော်ဆောင်ရန် လိုအပ်ကြောင်း

ပြန်လည်ဆွေးနွေးသည်။


         အရပ်ဘက်လူ့အဖွဲ့အစည်းဖြစ်သည့် ရှမ်းပြည်မျိုးဆက်အင်အားစု အဖွဲ့က ပြန်လည်ဆွေးနွေးရာတွင်

- တိုင်းရင်းသား အရေး နှင့် ဒီမိုကရေ စီအရေးသည် တချိန်တည်း အကောင်ထည်ဖော်ဆောင်ရန်လိုအပ်ကြောင်း၊
- ပူးတွဲဖြေရှင်းပြီး အနာဂတ်တွင် ငြိမ်းချမ်းရေးကို ထူထောင်ပြီး စစ်မှန်သောဖက်ဒရယ်ပြည်ထောင်စုကို တည်ထောင်နိုင်မည် ဖြစ်ကြောင်း၊
- လွှတ်တော် ပြင်ပနိုင်ငံရေးသည်လည်း အရေးကြီးကြောင်း၊
- ပြင်ပ အရပ်ဘက် လူ့အဖွဲ့အစည်းတွေအားကောင်းလာနိုင်မှ  ဒီမိုကရေစီ စနစ်ကို တည်ထောင်နိုင်အောင်မြင်နိုင်မှာ ဖြစ်ကြောင်း

ဆွေးနွေးခဲ့သည်။



               MTA မွန်တိုင်းအာမီ တပ်ဖွဲ့ဝင်ဟောင်းများ ဥက္ကဋ္ဌဦးစိုင်းခွန်မိန်းက ပြောကြားရာတွင်

- ဖက်ဒရယ် ၁၄ပြည်နယ်ကို ယူမည်ဆိုလျှင် ယူနစ် သတ်မှတ်လိုက်လျှင်လည်း အဓိက ကျနိုင်မည် မဟုတ်ကြောင်း၊
- ဗဟိုအစိုးရအာဏာလျော့ကျရေး အတွက် ယူနစ်သည် ပြဿနာမဖြစ်နိုင်ကြောင်း၊
- အခြေခံဥပဒေအတိုင်းလုပ်ဆောင်ရမည် သာဖြစ်ကြောင်း၊
- အာဏာခွဲဝေမှု တိကျလာလျှင် ပြည်နယ်လွတ်တော်တွေပါ အသက်ဝင်လှုပ်ရှားလာနိုင်ကြောင်း

သုံးသပ်ပြောဆိုခဲ့သည်။

ယင်းတွေ့ဆုံဆွေးနွေးပွဲညနေ ၃း၃၀ မိနစ်တွင်အဆုံးသတ်ခဲ့သည် ကိုတွေ့ရသည်။