ရှမ်းမောင်ရှင်လောင်း လှည့်လည်ပွဲ

 

ရှမ်းရိုးရာ ယဉ်ကျေးမှု အတိုင်း  နှစ်စဉ် ကျင်းပလျက်ရှိသည့် ရှမ်းမောင်ရှင်လောင်း လှည့်လည်ပွဲကို ယနေ့ နံနက်က တောင်ကြီးမြို့၊ ဗိုလ်ချုပ်အောင်ဆန်းလမ်း (ခ) မိန်းလမ်း တလျှောက် စည်ကားစွာ

လွတ်လပ်ပွင့်​လင်း မြင်သာမှု နှင့် တောင်ကြီး ဖက်ရှင်ရှိုး

တောင်ကြီးမြီု့ ၊မြို့တော်ခန်းမတွင် ယခုလဆန်းပိုင်းက ပြုလုပ်ခဲ့သည့်  ဖက်ရှင်ရှိုး တစ်ခုအကြောင်းမှာ ဒေသအတွင်း လူပြောများသည့် ဖြစ်ရပ်တခုဖြစ်သည်။

ကလေးများအတွက် တရားစခန်း

တရားစခန်းဝင်ခြင်းမှာ လူကြီးတို့၏အလုပ်သာ ဖြစ်သည်ဟု ယူဆရဖွယ် ရှိသော်လည်း တောင်ကြီးမြို့တွင် ကလေး ၂ဝဝ အထိ ယခု ရက်ပိုင်း တရားစခန်းဝင်မည်ဖြစ်သည်။

ယခုလ ၃ ရက်နေ့မှ ၁၃ ရက်နေ့အထိ  ကန်အောက်ရပ်ကွက်၊ မင်းကျောင်း ပရိယတ္တိစာသင်တိုက်တွင် ဖွင့်လှစ်သည့် တရားစခန်းတွင် ကိုရင် အပါးတရာ၊ သီလရှင်အပါး တရာအထိ လက်ခံမည်ဟု သိရသည်။

ကလေးတရားစခန်းကို စတုတ္တအကြိမ်မြောက်ဖွင့်လှစ်နိုင်ခဲ့ခြင်း ဖြစ်ကြောင်း မင်းကျောင်းဝေယျာဝစ္စအဖွဲ့ဝင် ဒေါ်စန္ဒာကရှင်းလင်းပြောဆိုသည်။

၂၀၁၀ ပြည့်နှစ်က  ကိုရင် အပါး ၈၀၊ သီလရှင်အပါး ၇၀ ဖြင့် စတင်ခဲ့ခြင်းဖြစ်သည်ဟု သူက ဆက်ပြောသည်။

       ဆရာတော်များဖြစ်ကြသည့် ဦးနာယက၊ ဦးဂုဏသာရ တို့က ဦးဆောင်ပြီး ကလေးတရားစခန်း ဖွင့်လှစ်ခြင်းဖြစ်ကြောင်း၊
မိရိုးဖလာ ဗုဒ္ဓဘာသာဝင်အဖြစ်မှ   ထေရ၀ါဒ ဗုဒ္ဓဘာသာ အကြောင်း သိရှိသူ ကလေးငယ်များ ဖြစ်လာရန်၊  လိမ္မာယဉ်ကျေးသူများ ဖြစ်လာစေရန် ရည်ရွယ်ကြောင်း သိရသည်။

တောင်ကြီးမြို့ပေါ်မှ ကလေးများ၊  အနီးတ၀ိုက် မြို့ရွာများမှ ကလေးများ တရားစခန်း ဝင်နေကြသည်။

ဂျွန်ချစ်ငြိမ်း (တောင်ကြီး) ~

ကလေးတွေ ဆိုကြ၊ ပျော်ကြ၊ ကကြမယ်

ကလေးငယ်များ၏ တေးဂီတ သီဆိုမှု ပြိုင်ပွဲအား တောင်ကြီးမြို့ ၊မြို့တော်ခန်းမတွင် မတ် ၁ ရက်နေ့မှ  ၅ရက်နေ့ထိ ကျင်းပခဲ့သည်။

 ရှမ်းပြည်နယ် မိခင် နှင့်ကလေး စောင့်ရှောက်မှု ကြီးကြပ်ရေးအဖွဲ့က ကျင်းပခြင်း ဖြစ်ကြောင်း၊ ILBC ကလေးစာသင်ကျောင်းက အဓိက ကူညီပေးခဲ့ကြောင်း  ပွဲစီစဉ်သူများက ပြောသည်။

   ကလေး သီချင်းဆိုပြိုင်ပွဲတွင် အသက် ငါးနှစ်အောက်၊ ငါးနှစ် အထက် ဟူ၍  အုပ်စုနှစ်စုခွဲပြီး    ပြုလုပ်ခဲ့သည်။

ကလေးများ စိတ်ကူးဥာဏ်ရည်မြင့်မားစေရန်၊ ပူးပေါင်းဆောင်ရွက်တတ်စေရန်၊ ပျော်ရွှင်စေရန်ရည်ရွယ်ပြိုင်ပွဲ ကျင်းပခြင်းဖြစ်ကြောင်း သီချင်းသီဆိုမှု အကဲဖြတ်ဒိုင်အဖွဲ့ဝင် တစ်ဦးက ပြောကြားသည်။

ထို့အပြင် အပျိုတော်ယိမ်း၊ ရှမ်းတိုင်းရင်းသားအက၊ ခေတ်ပေါ် အကအလှများကိုလည်း တင်ဆက်ခဲ့သည်။
        မတ်၅ရက်နေ့ ယှဉ်ပြိုင်မှု အပြီးတွင် သက်တမ်းအလိုက် ဆုပေးပွဲပါ ကျင်းပခဲ့သည်။

                       ဂျွန်ချစ်ငြိမ်း(တောင်ကြီး)

တောမီးလောင် လူနေအိမ်ကူးစက်

                   တောင်ကြီးမြို့၊ စိန်ပန်းရပ်ကွက် အစွန် နှင့် ကပ်လျက်တည်ရှိသည့် အေးသာယာ တောင်ကြီးမြို့အတက်တောလမ်းတွင် ဖေဖော်ဝါရီ နောက်ဆုံးပတ်နေ့လည် ၃း၃၀မိနစ်အချိန်ခန့်က တောမီးလောင်ကျွမ်းမှုဖြစ်ပွားရာမှတဆင့် စိန်ပန်းရပ်နယ်မြေ(၁) ၊ မှ တဲအိမ် (၇) လုံးမီးကူးစက်လောင်ကျွမ်းခဲ့သည်။
                 တောမီးစလောင်စဉ်က တောင်စောင်းတစ်ဝိုက်တွင်စတင်လောင်ကျွမ်းနေကြောင်း၊ နေ့လည် (၃) နာရီတွင်လေပြင်းများတိုက်ခတ်လာပြီး မီးပွားများလွင့်စင်ရာမှ တဆင့် မီးကူးမှုဖြစ်ပွားကာ လူနေတဲအိမ်များပါကူးစက်လောင်ကျွမ်းခဲ့ကြောင်း စိန်ပန်းရပ်ကွက်နေ မျက်မြင်တွေ့ကြုံခဲ့ရသူများကပြောသည်။

မီးဘေးဒုက္ခရောက်ခဲ့သည့် အိမ်ထောင်စု (၇) စုမှ စုစုပေါင်း (၄၁) ဦးအား စိန်ပန်းရပ်ရှိ အ.မ.က ကျောင်းတွင် ကယ်ဆယ်ရေးစခန်း ဖွင့်လှစ်ထားရှိပေးထားကြောင်း တာဝန်ရှိသူ တစ်ဦးက ပြောသည်။

                 အဆိုပါ နေ့တွင်ပင် ကလောမြို့၊ အမှတ်(၇) ရပ်ကွက်ရှိ မြက်ရဲအင်း အနောက်ဖက်တော တွင် ကိုင်းတောများ မီးလောင်ကျွမ်းရာမှ တဆင့် ဓနိမိုး ထရံကာ ၀ါးခင်းကြက်ခြံသို့ ကူးစက်လောင်ကျွမ်းပြီး ကြက်အကောင်ရေ (၂၀၀) မီးထဲ ပါသွားကြောင်း ကြက်ခြံပိုင်ရှင်ဖြစ်သူ ဦးကျော်ဦးကပြောသည်။
                  ယင်းမီးလောင်ကျွမ်းမှုဖြစ်စဉ်များနှင့် ပတ်သက်ပြီး တောင်ကြီးခရိုင် မီးသတ်ဦးစီးဌာနသို့ဆက်သွယ်မေးမြန်းရာ
- ကျူးကျော်တဲများ တောင်စောင်းတွင် ဆောက်လုပ်နေထိုင်ကြရာ ထိုသို့ နေထိုင်သူတို့၏ အသက်အန္တရာယ်ကိုပါ စိုးရိမ်ရကြောင်း၊
- တောမီး အန္တရာယ်အပြင်၊ မြေပြိုခြင်း၊ ငလျင်လှုပ်ခြင်း၊ များဖြစ်ပေါ်လာပါကလည်း အသက်အန္တရာယ်ကို ထိခိုက် စိုးရိမ်ရကြောင်း ၊
- ယခု မီးလောင်ကျွမ်းမှုဖြစ်သည့်နေရာသည် မတ်စောက်သည့် တောင်စောင်းနေရာဖြစ်နေသည့်အတွက် မီးသတ်ယာဉ်ဝင်ရောက်ဖို့မဖြစ်နိုင်ကြောင်း၊
- ရေသယ်ယာဉ် အသေးပင်လျှင် မ၀င်နိုင်ကြောင်း၊
-  လမ်းကကျဉ်းသည့်အတွက် ပေ(၁၀၀) မီးသတ်ပိုက်လိပ် (၁၀)လိပ်၊ ပေ(၁၀၀၀) ခန့်် အသုံးပြုပြီး ခက်ခက်ခဲခဲ ငြိမ်းသတ်ရကြောင်း၊

- ပြည်သူတွေ အနေဖြင့် ယခုလို တောမီးလောင်ခြင်းဖြစ်ပေါ်လျင် မိမိတို့ အိမ်အားတောမီးကူးစက်မခံရအောင် မီးခြားလမ်းများ ပြုလုပ်ထားရမည်ဖြစ်ကြောင်း
-  နေအိမ် နှင့် (၁၀) ပေခန့် အကွာအား ရှင်းလင်းထားရန်လိုပြီး (၁၅)ပေရှိ သစ်ပင်များအား ငုတ်တိုလေးတွေဖြစ်အောင် စိုက်ထားရမည်ဖြစ်ကြောင်း၊
- သို့မှသာလျင် တောင်စောင်းတ၀ိုက်တွင် နေထိုင်သည့် ပြည်သူများ အန္တရာယ် ကင်းရှင်းနိုင်မည်ဖြစ်ကြောင်း
တောင်ကြီးခရိုင်မီးသတ်ဦးစီးဌာနမှူး ဦးအောင်သူက ရှင်းလင်းပြောဆိုခဲ့သည်။

ဂျွန်ချစ်ငြိမ်း (တောင်ကြီး)

တောင်ကြီးစည်ပင် နဲ့ ရန်ကုန်စည်ပင်ရဲ့ တူညီချက်

 ~

ရန်ကုန်မြို့စည်ပင်သာယာအဖွဲ့ နှင့် တောင်ကြီးမြို့စည်ပင်သာယာအဖွဲ့တို့ ကြိုးစားဆောင်ရွက်မှုများစွာ ရှိကြသည့်အနက်  တူညီချက်တခုကို ပြပါ ဆိုလျှင် ပလက်ဖောင်းများကို လက်ညိုးထိုးပြရမည်ဖြစ်သည်။

တောင်ကြီးမြို့၏ အဓိက လမ်းမကြီးဖြစ်သော ရေအေးကွင်းရပ်  ဗိုလ်ချုပ်အောင်ဆန်းလမ်း  ပလတ်ဖောင်း  ပျက်စီးနေသည်မှာ ကြာမြင့်ပြီဖြစ်ကြောင်း ဒေသခံတို့က ပြောသည်။

စွန့်ပစ်ရေ စွန့်ပစ်ပစ္စည်းများ ပြည့်နေသည့် ထိုအပေါက်မှာ လူတရပ်မက နက်သည်ဟု ဆိုသည်။

   ပထမအကြိမ် ပြိုကျပျက်စီးစဉ်က ဒေသခံတို့က ကိုယ့်အားကိုယ်ကိုးပြီး အကုန်အကျခံ ပြုပြင်ခဲ့ကြောင်း၊ ယခု ထပ်မံ ပျက်စီး နေသည်မှာ  (၇) လခန့်ရှိနေပြီဖြစ်ကြောင်း သိရသည်။

ဆွမ်းခံကြွ သံဃာများ၊ ကျောင်းသွားကျောင်းပြန်ကလေးများ အပါအ၀င် လူအများအပြား အသုံးပြုသည့် ထိုလမ်းကို အမြန်  ပြုပြင်ပေးစေလိုကြောင်း၊ အပြစ်တင်နေခြင်းမဟုတ်ကြောင်း  ရပ်ကွက်နေပြည်သူများကပြောသည်။

မြို့ကွက်ကျယ်လွန်းသော ရန်ကုန်တွင်လည်း ပလက်ဖောင်း ပေါက်ပြဲမှု အများအပြား ဖြစ်ပေါ်နေသည်။

သော့ခတ်ကြမ်းတယ်ဆိုတဲ့ တောင်ကြီးစည်ပင်

 တောင်ကြီး မြို့မဈေးကြီးအနီးရှိ ညဈေးတန်းလမ်း (ခ) ရေထွက်ဦးလမ်းတွင်  ရပ်ထားသည့် ဆိုင်ကယ်များအနက် ကံဆိုးသည့် ဆိုင်ကယ်တချို့သည် သံကြိုးခတ်ခြင်း ခံနေရသည်။

သော့ခတ်သူတို့မှာ စည်ပင်ဝန်ထမ်းများဖြစ်ကြောင်း ဈေးသူ၊ ဈေးသား၊ ဈေးဝယ်များက ပြောသည်။

ဆိုင်ကယ် မရပ်ရန် တားမြစ်ထားသည့် နေရာတွင် ရပ်ထားသော ဆိုင်ကယ်တို့ကို ထိုသို့ သော့ခတ် ချည်နှောင်ခြင်း ဖြစ်ကြောင်း၊ ဈေးသူဈေးသားတို့ကမူ ၎င်းတို့၏ဆိုင်ရှေ့ပလက်ဖောင်းပေါ်တွင် ဆိုင်ကယ်ရပ်ခြင်းဖြင့် ထိုတားမြစ်ချက်ကို ၀ိနည်းလွတ် လိုက်နာကြကြောင်း သိရသည်။

သံကြိုးဖြုတ်ခမှာ ကျပ် ငါးထောင်ဖြစ်သည်ဟု ဆိုသည်။

ထိုနေရာတွင် ဆိုင်ကယ်မရပ်စေလိုလျှင် အသိပေးခြင်း၊ ပညာပေးခြင်း၊ နှစ်သိမ့်ပြောဆိုခြင်း၊ ဖြေလျော့သည့်နည်းများဖြင့် ဖြေရှင်းသင့်ကြောင်း အငြိမ်းစား ကျောင်းဆရာကြီး တစ်ဦး ကပြောသည်။

ဂျွန်ချစ်ငြိမ်း (တောင်ကြီး) ~